Why I made a Bisaya nga Blog.

Bisaya ko. Ahy.

 

First and foremost, I will admit nga mas confident ko magbisaya. Mao ni akong mother tongue ug bisag unsa pa kapaspas ka magbisaya makasabot jud ko nimo. Mas makaexpress ko if bisaya akong language. Hahaha maayo kaayo ko magbisaya. Anah!

Languages fluency ranking:

1. Bisaya
2. Tagalog
3. English
4. Java
5. Dog
6. Nihongo/Japanese
7. Ocean breeze/animals

Yeah I know, multiglot akong peg. And since naa koe blog sa akong mga kasakit sa kinabuhi, sa akong mga realization sa kinabuhi, sa akong deepest and darkest secret sa kinabuhi. I thought, I will give myself a break. English to tanang mga blahblah sa kinabuhi and so mao ni ang nahimiong solusyon nako sa pagsulat lang effortlessly. Kanang magsulat ka nga wlay manaway sa imong grammar or sentence structure use of words ug uban pang aligotgot sa mga grammar nazi. Kanang for free time lang jud nimo. Sa mga oras nga dili ka busy and naa kay mga kabulastogan na mathink then go, write lang ang peg.

Dili ko pareha ni Artemio nga maayo kaayo magbisaya nga laglom (hala anyway naa na baya shay anak ae). Kabaw na jud sha mohimo ug bata. Idol to nako si Art kay funny and mabalak much.. pero sapoton lang. 🙂 Dili pud ko pareha ni Israel nga maayo kaayo moenglish. Maayo kaayo mogamit ug mga words nga siya ray makasabot ug kailangan pa nako ang google para malamdagan akong pangutok. Idol pud nako si Israel though murag gikalimtan naman mi niya oe kay naa naman siyay new found friends. Pero friends japon mi oe.. basin busy lang sha or dili lang magmeet among mga interests. And colorful na kaayo sha ug love life.

Artemio and his Baby Arty

Israel and his friend 😀

IF english ni kay di ni nako maexpress sa ang ani nga way. Wow mahappy man pud ko oe. lol.

Though I know nga one of the biggest downfall sa usa ka Bisaya nga blog is wala kay foreign readers or even Tagalog readers kay dili man sila kasabot nimo. Well, akong mga blogs is really intended lang as hobby and dili intended para mosikat ko or unsa pa dira. All my other blogs are private man jud except if maayo kaayo ka magresearch kay makita jud nimo but please ayaw ko ingni kay nakakahiya.

In short this bisaya blog is a channel to express ang akong pagkabisdak. chow!

Sa aha man daw ni sa Cebu? Yes sa Colon dapit sa VistaMar man ata. Karon baligyaanan ug porn

 

 

Kinabuhi sa Japayuki

Dugay na ni nako nga blog pero karon lang ko mag-add balik ug entry. Actually, ako giintend nga magpost lang ko ug mga poems nga bisaya diri pero daghan man nasulod akong utok oe.. Daghan na pud kaayo kog blogs nga gimaintain… actually 4 tanan. ug kani ra maoe bisaya nga blog. 🙂

Well, kabaw na ka nga daghan kaayo tag secrets in life mao daghan pud tag blog and I’m planning nga kani nga blog ang akong epublic sa akong friends. Weh?

Sugdan ta ni sa thought nga nakainfluence sa ako nga buhayin and patay na blog. 🙂

Dugay dugay na pud ko diri sa japan. Mag 5 months na ko karong april. Kaloka, dugaya na diay oe. Wala jud ko nalingaw sa akong kinabuhi diri kay i think tungod ra pud nako kay wala ko nagalaag ug nagapalayo ko sa akong mga friends tungod sa personal reasons. (cg nalng gud).

Daghan kaayo kog mga nakat-unan diri sa japan ae. Lisod man jud diay kaayo if malayo ka sa imong pamilya and knowing nga all my life nagdako ko sa among balay. So akong eenumerate.

1. Manglaba ug tanang sanina. uu kay sa amo ang akong labhan kay akong brief ra man and dili pa jud perfect kay usahay dili makuha ang buling. Though diri kay washing machine ang gamit pero at least ako tanan nagalaba and nagahayhay.

2. Magluto. alang pancit canton ra man ug itlog akong nabaw-an iluto sa amo.. plus kana pa diayng mga instant like karne norte, beefloaf etc. maglisod gani ko ug karne norte kay mahunit sha after. haha. Plus para makatipid ka kay dapat man ka magluto. So nagaluto ko tagagabii. Kanang maglakaw bitaw ka padung sa inyo nga kakuyapon na ka sa kagutom. lol

3. Maggrocery. Lisod man diay kaayo nang mamalit ka oe para sa imong mga galamiton ug kan-on sa balay. Idol na jud nako akong mama.

4. MagBudget. Mao ni ang pinakalisod na akong nakat-unan ug hinay hinay ngari. Kalisod baya nga magbudget ka sa imong kan-on, sa imong ipadala sa pinas, sa imong savings. Mao diay ni sakit sa magkatigulang ta.. haskang kalisod man diay magbudget ug kwarta oi.

5. Magbasa ug Maps/Train Schedule and Routes. Nahhh kay sa amo jeep ra man tawn oe and pwede ra monaog bisan asa ug bisan kanus-a. Diri kay na kailangan memorizon ang sched para dili ka malate. Heavy lakaw pa jud kaayo kay di usong sikad. So sa station jud ka manaog kay dili man ni jeep nga pwede nga sa eskina ra sa inyo manaog. Mao nang nidaot ko ngari. Plus ang taxi diri kay haskang kamahal. katry ko atong gaba sa kalaagan nga wala na kaabot sa last train da hala nag taxi.. kabayad ug 5k yen. that is 2k+ in Philippine Peso.

Mas lingaw man diay ning magblog ka ug bisaya. Mas makaexpress ka sa imong funny thoughts. weee